அன் ஆபிஸர் அண்ட் த ஜென்டில்மேன்

உறவுகள் மீது உள்ள வெறுப்பு காரணமாக தனிமையாக எல்லாவற்றையும் துறந்து ராணுவத்தில் சேரும் ஒருவன், காதல் மற்றும் ஆசிரியரின் படிப்பினையால் வாழ்க்கையின் ல் மீது ஒரு பிடிப்பு பெறுவதே அன் ஆபிஸர் அண்டு த ஜென்டில் மேன் கதை சுருக்கம்.

இந்த படத்தின் இயக்குநர் டெய்லர் ஹாக்ஃபோர்டு பிரபல நடிகர் அல்பாசினோவை வைத்து 'டேவில்ஸ் அட்வகேட்' என்ற படத்தை இயக்கியவர். உலகத்தின் சிறந்த படங்களில் ஒன்றான அன் ஆபிஸர் அண்டு த ஜென்டில் மேன், படப்பிடிப்பின் ஆரம்பம் முதலே நிறைய பிரச்சினைகளை சந்தித்தது. டெய்லர்

ஹாக்ஃபோர்டு இந்தக் கதையை வைத்துக் கொண்டு பல நடிகரை நடிகையரை அணுகினார். ஆனால் யாருமே முன் வரவில்லை. அதற்குக் காரணம் கதையில் அதிகப்படியாக நிர்வாண காட்சிகள் இருந்ததுதான். இந்த படத்திõன் கதாநாயகனான ரிச்சர்ட் கியரும் கடைசி சில காட்சிகளை மாற்றும்படி இயக்குநரிடம் வாதாடினார். 'ஆனால் இசையுடன் கடைசி காட்சியைப் பார்த்ததும் என்னை மெய் சிலிர்க்க வைத்து விட்டது' என்று ஏற்றுக் கொண்டார்.

நிறைய ராணுவ திரைப்படங்கள் இப் படத்தின் தாக்கத்தால் எடுக்கப்பட்டதே. இப்படத்தின் கதைதான் என்ன?

சார்மாயோ (ரிச்சர்ட் கிரே) சின்ன வயதிலேயே தாயை இழந்தவர். பிரிந்து சென்ற தந்தையைப் பார்க்க பிலிப்பைன்ஸ் வருகிறார். ஆனால் தந்தையோ தினம் பலதரப்பட்ட பெண்களுடன் வா

ழ்பவர் என்று தெரிகிறது. வேறு சொந்தமில்லாத காரணத்தினால் அவருடனே வசிக்கிறான். நாட்கள் செல்கின்றன. சாக் அங்கிருந்து வெளியேறும் பொருட்டு தான் விமானப் படையில் சேருவதாக தன் தந்தையிடம் கூறுகிறான். தந்தை வேண்டாம் என்று கூறியும் ராணுவத்தில் சேருகிறான்.ஆனால் ராணுவத்தில் இருக்கும் பயிற்சியாளர் சார்ஜென்ட்ஃபோலிக்கும் சாக்குக்கும் தொடக்கம் முதலே பல முரண்பாடுகள் ஏற்படுகின்றன. அதே ஊரிலுள்ள பவ்லா (டெப்ரா விங்கர்) என்ற பெண்ணுடனும் தொடர்பு ஏற்படுகிறது. அவளுக்காக ஒரு கும்பலுடன் சண்டையிடுகிறான்.

சாக் ஷூ, பேட்ஜுகளை திருடி விற்பது சார்ஜண்ட் ஃபோலிக்கு சாக் ஷூ, பேட்ஜுகளை திருடி விற்பது தெரிந்துவிடுகிறது. சாக்கை தானாக பயிற்சியிலிருந்து விலகுமாறு ஒரு வாரம் அவனுக்கு பல்வேறு தண்டனைகளுக்கு

உட்படுத்துகிறார். அத்தனை தண்டனைகளையும் பொருத்துக்கொள்ளுவதோடு போவதற்கு எந்த இடமும் இல்லை என அழுகிறான்.பவ்லோ வீட்டுக்கு சாக் சென்ற போதுதான் தெரிகிறது, அவள் விமான படை அதிகாரிக்குத் தவறான முறையில் பிறந்தவள் என்று. தன் நிலைமைதான் இவளுக்கும் என்றுணர்ந்தபின் சாக் பயிற்சிக்காக வேறு ஊர் சென்றதும் அவளைத் தொடர்பு கொள்வதை நிறுத்திக் கொள்கிறான்.

சாக்கின் உயிர் நண்பனான சிட்டிடம், லினேட் தான் கர்ப்பமாக இருப்பதாகக் கூறி ஏமாற்றுகிறால். அவளைக் காதலிக்கும் சிட், அந்த துக்கத்தைத் தாங்க முடியாமல் நிர்வாணமாக தற்கொலை செய்து கொள்கிறான். பயிற்சி முடிய ஒரு வாரமே எஞ்சிய நிலையில் தன் நண்பன் இல்லாத இடத்தில் தானும் இருக்கப் போவதில்லை. எனக்கு பயிற்சியிலிருந்து விலகல் தாரூங்கள் என ஃபோலியிடம் கேட்கிறான்.

ஃபோலி, '' வா ஒருவருக்கொருவர் சண்டையிட்டுக் கொள்வோம். ஜெயித்தால் நீ சென்றுவிடு''என்கிறார். சண்டையில் சாக் தோற்றுவிடுகிறான்.

ஃபோலி ''இனி இருப்பதும் இங்கிருந்து போய்விடுவதும் உன் இஷ்டம்'' எனக் கூறிவிட்டுச் சென்றுவிடுகிறார்.

இறுதி

யில் ஃபோலியிடம் முதல் மரியாதை வாங்கும் போது நீங்கள் இல்லையென்றால் இது முடிந்திருக்காது என்று சாக் விடைபெறும் காட்சி நெகிழ்ச்சியானது. ஆனால் அவரோ அடுத்து பயிற்சிக்கு வந்திருக்கும் மாணவர்களிடம் கண்டிப்புடன் பயிற்சியளித்துக் கொண்டிருப்பார்.
சேருவார்களா, மாட்டார்களா என்று நினைத்த சடாக், பவ்லோ கடைசியில் இணைவதோடு படம் நிறைவடைகிறது.
இந்தப் படத்தில் அனைத்து கதா பாத்திரங்களும் நிறைவான நடிப்பை வெளிப்படுத்தியிருக்கிறார்கள். குறிப்பாக சார்ஜெண்ட் ஃபோலியாக வரும் லூயீஸ் கார்லெட் ஜூனியர் சரியான தந்தை அமையாத அவர் ஒரு நல்ல தந்தையாக வழிப்படுத்துகிறார். இந்த படத்துக்காக இவர் சிறந்த துணை நடிகருக்கான ஆஸ்கார் விருதும் பெற்றார்.
நடிப்பை தவிர்தது இந்தப் படத்தில் சிறந்து விளங்குவது இசையும் திரைக்கதையும். திரைக்கதையில் கவிதையாக பல காட்சிகள் இடம் பெற்றிருக்கின்றன. உதாரணமாக சாக் தான் செல்ல ஒரு இடமும் என பயிற்சியில் இருந்து விலக மறுப்பது பெண்களின் மீது பற்றில்லாமல் இருக்கும் சாக் கடைசியில் ப்வலோவை கரம் பிடிப்பது, அடுத்து வரும் மாணவர்களை சார்ஜெண்ட் ஃபோலி தங்களிடம் கேட்ட அதே கேள்வியை கேட்பது, தற்கொலை செய்து கொண்ட நண்பனைப் பார்த்து சாக் அழுவது எல்லாம் மிக இயல்பாகவும் அதே நேரத்தில் இதயத்தை தொடுமாறும் இருக்கும்.
1982-ல் வெளிவந்து அதிக வசூல் சாதனை புரிந்த படங்களில் இதுவும் ஒன்று. தன்னிலை தேடல் பற்றிய சிறந்த படம்.
ஒரு ஆசிரியரின் கடமை மாணவனை நற்பண்புகளுடையவனாக மாற்றுவதே என்ற கருத்தை இப் படம் ஆணித்தரமாக உரைக்கிறது.

-மாக்ஸிம்